Ndahet nga jeta Papa Francesku – Reagon Dom Gjergj Meta

Në orët e para të mëngjesit të sotëm ka ndërruar jetë Papa Francesku. Lajmi tronditës është konfirmuar nga Kreu i Konferencës Ndërfetare Shqiptare, Dom Gjergj Meta, përmes një postimi në rrjetet sociale.

“Të dashur besimtarë katolikë! Papa Francesku u kthye në shtëpinë e Atit! Ka dhënë shpirt sot në orën 7:35 të mëngjesit! Falenderojmë Zotin për shërbimin e tij në gjithë këto vite e të lutemi për shpirtin e tij”, shkruan Dom Meta.

Papa Francesku, i cili ka shërbyer për vite me radhë si udhëheqës shpirtëror i Kishës Katolike, u vlerësua për përkushtimin e tij ndaj paqes, drejtësisë sociale dhe dialogut ndërfetar.

Ende nuk janë dhënë detaje të mëtejshme për ceremonitë mortore.